影片
更多
2023-05-09
373 瀏覽
話說細妹係變形金剛FANS，所以知道係銅鑼灣開左全球首間變形金剛主題嘅餐飲旗艦店之後，佢就即刻約我去潮聖。咁…有得食又有影相我就當然非常樂意奉陪啦！餐廳係時代廣場對面，單睇外牆超巨型立體飛船引擎配以3D動畫都已經好吸睛，入到去就仲吸引，餐廳内外以博派嘅The Ark太空飛船設計，天花同牆身都呈現船艙內佈置，二樓仲有一幅 3D銀幕，所以話打卡打到唔停手。食物都一樣好吸引~我地叫左「安格斯松露漢堡」同「蟹肉牛油果漢堡」，除左以變形金剛造型漢堡包之外，佢地份量都超足夠，我都計唔到有幾多層，總之就係食完感覺好滿足。以紅菜頭為主嘅漢堡麵包軟棉棉好好味，入面係啖啖鮮甜蟹肉餅再配上秘制牛油果醬，真心覺得好味呀~安格斯牛肉肉質除左帶有原汁肉香之外，佢加埋個秘制黑松露醬汁，阿妹都話好夠味，超好食呀~另外，佢個炸雞都唔錯，肉質鮮嫩又夠JUICE，最好就係食完唔會口乾乾~仲有兩杯特飲「四季冰晴」及「藍色星光」都好有新鮮感~最後當然要來返杯雪糕，估唔到海鹽加上特濃可可嘅味道係咁夾哦~食飽飽就記得去精品部行下，除左有好多獨家發售限量版模型同各種紀念品外，一定要同近3米高嘅柯柏文影返張相呀~
餐廳係時代廣場對面，單睇外牆超巨型立體飛船引擎配以3D動畫都已經好吸睛，入到去就仲吸引，餐廳内外以博派嘅The Ark太空飛船設計，天花同牆身都呈現船艙內佈置，二樓仲有一幅 3D銀幕，所以話打卡打到唔停手。
食物都一樣好吸引~
我地叫左「安格斯松露漢堡」同「蟹肉牛油果漢堡」，除左以變形金剛造型漢堡包之外，佢地份量都超足夠，我都計唔到有幾多層，總之就係食完感覺好滿足。以紅菜頭為主嘅漢堡麵包軟棉棉好好味，入面係啖啖鮮甜蟹肉餅再配上秘制牛油果醬，真心覺得好味呀~
安格斯牛肉肉質除左帶有原汁肉香之外，佢加埋個秘制黑松露醬汁，阿妹都話好夠味，超好食呀~
另外，佢個炸雞都唔錯，肉質鮮嫩又夠JUICE，最好就係食完唔會口乾乾~
仲有兩杯特飲「四季冰晴」及「藍色星光」都好有新鮮感~
最後當然要來返杯雪糕，估唔到海鹽加上特濃可可嘅味道係咁夾哦~
食飽飽就記得去精品部行下，除左有好多獨家發售限量版模型同各種紀念品外，一定要同近3米高嘅柯柏文影返張相呀~
張貼
