影片
更多
2015-08-09
1287 瀏覽
之前已經聽過唔少人講呢間cafe，有人話好好，亦都有人話唔好一定無下次，搞到我心大心細都唔知去唔去好，今日去開九龍就順便黎呢間試下啦！小店位於石硤尾偉智街，港鐵站C出口一直直行行到偉智街盡頭就到啦，只需約5-7分鐘就到，方便易搵！小店裝潢好靚好有格調，用上啡色為主色調，大量的木製的傢私，很有復古風呀！店鋪不大，我估只有約200-300尺，因此用開放式吧檯，空間感會大啲，仲可以採用太陽光。面積好細嘅吧檯約有12個座位，人與人嘅距離好近，會聽到人地嘅對話，好無私隱，呢樣唔太鐘意，不過舖頭唔大預左會有呢個情況。Cafe有一半嘅位置用黎放置各種文具，有膠紙，鉛筆，螢光筆，筆記薄等，款式好特別，可惜價錢偏貴，係普通文具舖係搵唔到架！身為文具控嘅你唔好錯過呀！參觀完就睇menu嚕。Order左sweet potato latte同squid balls。Sweet Potato Latte $32/small紫薯鮮奶咖啡較為罕見，就試下啦！聽店員講係由韓國入口嘅紫薯粉同鮮奶泡製嘅。賣相精緻，咖啡旁有木匙同盤，亦附送朱古力牛奇曲奇。喝前先聞一下，紫薯味香氣四溢。再喝一口，令人感到清幽舒暢。紫薯同牛奶
小店位於石硤尾偉智街，港鐵站C出口一直直行行到偉智街盡頭就到啦，只需約5-7分鐘就到，方便易搵！小店裝潢好靚好有格調，用上啡色為主色調，大量的木製的傢私，很有復古風呀！
店鋪不大，我估只有約200-300尺，因此用開放式吧檯，空間感會大啲，仲可以採用太陽光。面積好細嘅吧檯約有12個座位，人與人嘅距離好近，會聽到人地嘅對話，好無私隱，呢樣唔太鐘意，不過舖頭唔大預左會有呢個情況。
Cafe有一半嘅位置用黎放置各種文具，有膠紙，鉛筆，螢光筆，筆記薄等，款式好特別，可惜價錢偏貴，係普通文具舖係搵唔到架！身為文具控嘅你唔好錯過呀！
參觀完就睇menu嚕。
Order左sweet potato latte同squid balls。
Sweet Potato Latte $32/small紫薯鮮奶咖啡較為罕見，就試下啦！聽店員講係由韓國入口嘅紫薯粉同鮮奶泡製嘅。賣相精緻，咖啡旁有木匙同盤，亦附送朱古力牛奇曲奇。喝前先聞一下，紫薯味香氣四溢。再喝一口，令人感到清幽舒暢。紫薯同牛奶味出奇地夾，紫薯味道過淡唔夠特出，甜度亦頗高，唔係每個人鐘意，本人覺得還可接受。曲奇味道好普通，牛油味頗淡，勝在夠鬆化。整體味道一般，若紫薯味更濃就更好！
Squid Balls $20本來都想試下芝士波，可惜未有，店員推薦我食呢個，就試下啦。墨魚丸$20/4粒，size唔算細，都彈牙，頗有嚼勁。將墨魚丸焗過後灑上香草和七味粉，令墨魚丸更惹味！整體味道一般，不過不失啦
呢間cafe嘅環境接近滿分，若改善下食物同飲品嘅質素相信實會吸引到更多客人！張貼
