Tom Dixon x Nodi (已結業)

今日夜晚約咗朋友喺中環食飯，但仲未夠鐘，想搵個地方逛下，或者坐低飲杯咖啡休息一下，無意中發現左呢間一直以為只係買家品嘅店舖。Tom Dixon嘅香薰我不嬲都幾鍾意，尤其是Earth同Air都係我喜歡嘅味道。本身諗住入去睇吓香薰，發現原來2樓係咖啡店，我就上咗去望吓。2樓嘅裝修係以水泥同金屬色調為主，有種型格得黎又classy嘅感覺。每一項擺設同埋座椅都係悉心安排，令人有種舒服嘅感覺。因為天氣炎熱，我叫咗一杯Espresso tonic。以前飲過幾間咖啡店嘅esp tonic都好酸，但呢度嘅就沖調得唔錯。我估應該都係House blend咖啡豆，下次再去嘅時候一定要問一問店員，因為呢杯果香花香味比較重嘅esp tonic真係啱晒我口味。