宇治園 (已結業)

日本旅行嘅回憶！每次去大阪都要食宇治園嘅軟雪糕，但疫情關係唔知幾時先可以再去日本旅行，所以同朋友去時代廣場聚舊食翻杯雪糕當去左大阪。估唔到大家都係焙茶愛好者，大家都係叫焙茶軟雪糕！焙茶軟雪糕$42- 焙茶味道濃郁，灑上焙茶粉有回甘味，唔會太甜，牛奶味道比較淡，份量都好足夠。口感方面，好creamy，唔會太過冰感好快融化變水。價錢當然比起喺日本當地食嘅貴，久唔久食一次半次都冇所謂，下一次再有機會嚟呢度，會試下抹茶味，睇下邊款好味啲。