*不專業小食評，如果對手工菜有研究，而Tiff哥講又有出入，歡迎係下面留言話Tiff哥知，學術討論下*
前菜
-螺絲青瓜
沈sir超用心將普通的螺絲青瓜，兩條轉埋一條，一夾起，兩條青瓜就會分開😂 Sir滑梯咁sir左另一條出黎。認真唔試過唔知咁搞笑😂
-香酥脆絲
呢碟前菜就西飛利，我諗原形都無咁吸引！反而炸到脆脆就超受歡迎！至於用咩野黎煮，就要賣個關子，你地去問沈sir啦😂😂❤️
-避風塘粟米
避風塘炒蟹就試過，炒粟米就第一次😨真心好食到想沈sir炒俾我帶返公司做零食，一樣過癮😍
主菜
-龍皇杏汁豬肺湯
平時我對豬肺湯充滿懷疑，因為浸豬內臟味會好濃，同埋杏汁都係我幾唔中意飲嘅湯....出乎意外，聞落去我無抗拒！飲落去更加有甜嘅感覺，見到豬肺洗得白白淨淨，飲得Tiff哥超放心🥴🥴外面街外嘅豬肺湯，一係稀，一係臭，沈sir真心真功夫呀！
-懷舊富貴金錢雞
你以為係雞咁簡單，沈sir準備得一定無咁少野，每碟餸都有驚喜。而呢碟金錢雞就係挑雞皮出黎上碟嘅小菜，特別呢！咬落去唔油，仲有d爽口！凍凍地，入口就會滑落喉嚨嘅口感。太有鮮味，太有驚喜啦😭😭
-冰窖咕嚕肉
呢個就勁啦🥴冰窖，真係黎一個冰波波裝住咕嚕肉，打卡必點小菜是也！一上檯個個wawa聲，真心咩，真冰黎架啵！好正呀好有心機😨❤️食落去，先發現一直都食錯左咕嚕肉，根本就是要冰食的呀！
-四川酸菜魚
聽聞沈sir係辣得之人，同行又有嗜辣人士，就一定要點返個酸菜魚黎試試沈sir手藝！Tiff哥食譚仔食3小辣架姐，呢碟酸菜魚對我黎講直情係中辣咁誇張，嗜辣個位人士食到面不改容，大家就參考參考啦。唔食得辣又想試下嘅你，記得同沈sir要求小小小小辣啦😂😂
-甜蜜燒排骨
排骨向來是係必勝之選，亦係聚會必點，因為一定個個都啱食！而沈sir整嘅排骨，大件，有肉地，有咬口，入味！係Tiff哥追求而久嘅完美排骨呀！但係都要分俾朋友食嗚嗚，下次自私一碟先，哼！
-生炒薑汁芥蘭
認真咩？真心咩？咁靚仲成世界嘅？估你唔到呢個圖案係沈sir親手自己畫出黎！一筆一劃都展示出沈sir巧手嘅一面，難怪碟碟餸都咁無懈可擊，因為沈sir對每碟餸嘅要求比我地更高！連普通一碟菜都唔放過！
-街頭腊味東北糯米飯
上菜嘅時候，員工姐姐問我地食過未，我真係見都未見過咁樣袋住嘅糯米飯！超得意超特別。原來以前爸爸媽媽年代，佢地街頭食嘅小食就係咁樣。沈sir以前原來係生活外國，Tiff哥心諗，可能係沈sir太中意香港廣東菜，日煮夜煮俾自己食，煮得一手好巧夫😂😂
同場加映，蛋味濃郁沙翁寶寶😭❤️❤️❤️
好有幸可以成為沈sir嘅座上客，真心，呢個價錢食一圍私房菜絕對係值回票價。我已經book定之後做節嘅日子！帶爸爸媽媽黎食一趟咁精緻嘅美食🥴❤️Tiff哥係咪好孝順先，book左你個時間嘅話我只可以講聲sorry囉❤️
