影片
更多
2017-08-31
31 瀏覽
Kebab 即係烤肉，係歐洲同中東國家常見嘅食物。記得當年喺英國生活，就算係倫敦呢d大城市都好啦，大部分食肆都10-12pm 就關門，唔似得香港，有24小時茶餐廳。生活喺英國，娛樂其實唔多，weekend 多數約朋友happy hour, 食晚飯，食甜品，飲酒。可能英國天氣凍，食完嘢消化特別快。有時飲完酒翻屋企途中就覺得肚餓，而且飲完酒口行行，想食翻d咸嘢中和翻。Kebab 店通常都係宵夜之選。一來佢屬於平價食物，二來佢哋嘅烤肉真係好香，係會吸引到你行過去買，第三係因為天氣凍，有個䁔笠笠嘅包喺手，真係特別好味！今日出外勤去到鰂魚涌，經過海堤街見到呢間Kebab land。聞到一陣香料味，突然間醒起自己好似翻咗嚟香港三年都只係食過一兩次Kebab，即刻打開門衝入去，因為真係好想食！Kebab land 同英國嘅kebab 店一樣舖面不大，一樣有個垂直嘅烤肉架，一樣個笑容親切嘅中東人士以帶有口音嘅英文問你食d乜，我都一樣點咗我最愛嘅chicken tikka kebab自選食材(有雞，有羊，有魚，有veggie)，再配上生菜，蕃茄，洋蔥，同埋自選特製醬汁，用Pita bread 包住，放入
生活喺英國，娛樂其實唔多，weekend 多數約朋友happy hour, 食晚飯，食甜品，飲酒。
可能英國天氣凍，食完嘢消化特別快。有時飲完酒翻屋企途中就覺得肚餓，而且飲完酒口行行，想食翻d咸嘢中和翻。
Kebab 店通常都係宵夜之選。一來佢屬於平價食物，二來佢哋嘅烤肉真係好香，係會吸引到你行過去買，第三係因為天氣凍，有個䁔笠笠嘅包喺手，真係特別好味！
今日出外勤去到鰂魚涌，經過海堤街見到呢間Kebab land。聞到一陣香料味，突然間醒起自己好似翻咗嚟香港三年都只係食過一兩次Kebab，即刻打開門衝入去，因為真係好想食！
Kebab land 同英國嘅kebab 店一樣舖面不大，一樣有個垂直嘅烤肉架，一樣個笑容親切嘅中東人士以帶有口音嘅英文問你食d乜，我都一樣點咗我最愛嘅chicken tikka kebab
Chicken Tikka Kebab
$55
10 瀏覽
0 讚好
0 留言
自選食材(有雞，有羊，有魚，有veggie)，再配上生菜，蕃茄，洋蔥，同埋自選特製醬汁，用Pita bread 包住，放入焗爐加熱，加熱之後再用錫紙包好以保持溫度。
一接到個Kebab 已經忍唔到即刻打開，係果陣好熟悉嘅香味呀！
食Kebab 一定要大大啖咬落去，顧住儀態細細啖的話，最後只會食到一手都係，更加無儀態
咬落去係非常豐富嘅層次，軟熟嘅彼得包，爽脆嘅生菜絲洋蔥，juicy 嘅新鮮蕃茄，仲有嫩滑嘅烤雞肉。正宗嘅雞肉係用乳酪同咖喱粉醃過，乳酪令雞肉烤過後仍然好嫩滑。
靈魂所在除咗係佢哋醃雞肉嘅香料，仲有係個醬汁！醬汁所用嘅材料不明，但相信每間kebab 店都有自己嘅秘方(之前喺某大學食過一間連鎖嘅，味道遠不及Kebab land)。
一個Kebab 其實足以當一個正餐，但呢間小店一樣有好多sides 嘅選擇，falafel ，咖哩角都有。值得一提嘅係除咗原有嘅特製醬汁，佢另外有薄荷，BBQ汁，茄汁或者蒜蓉汁俾你揀，鍾意嘅又可以加辣，應該總會配搭到一款啱自己口味嘅Kebab!
今次食到呢個Kebab 真係好滿意，味道好之餘，仲係回憶嘅味道有時食嘢就係咁，同行者，環境，味道，回憶，服務，每項都可以為食物加分！
張貼
