影片
更多
2021-01-11
168 瀏覽
The Pier Hotel開咗已經兩年，一直都好想去，但呢間只有40間房嘅小酒店經常爆滿，即使疫情底下冇外國遊客，呢度嘅本地遊客依然好多，入住率維持高企。今個週末竟然俾我book到，然後遇着寒流襲港，本來一間海邊酒店係比較適合夏天去，但在寒冷嘅天氣之下竟然別有一番風味。北海道小樽港有一間酒店，正正就係對住大海同埋遊艇會，The pier Hotel外面停泊咗好多遊艇，加上房間有浴缸可以浸熱水浴，我已經幻想緊自己去咗北海道。酒店提供嘅早餐係響位於酒店嘅呢間日本餐廳，亦係酒店唯一一間餐廳。餐廳正正位於海邊，座位唔多，充滿着悠閑氣氛。入面位置有吧枱同埋幾張四人座位，近窗邊有兩張高枱，當然你都可以選擇坐喺室外，好好享受美景。呢度提供日色、西式、同素食三款早餐選擇，我諗呢度既然係日本餐廳，我就選擇左食佢嘅日式早餐套餐，而呢個竟然成為神來之筆，令呢個去北海道之旅更加完美。我唔係特別喜歡食三文魚，雖然佢油香好豐富，但係過熟就會好鞋，同埋三文魚好容易有腥味。但由於用咗西京燒嘅方法去煮，顯得好好食。雖然我唔係好習慣早餐食飯，但入鄉隨俗啦，既然扮去日本，就要扮到底。除咗三文魚，甜蛋亦都好有水準，沙律菜好
北海道小樽港有一間酒店，正正就係對住大海同埋遊艇會，The pier Hotel外面停泊咗好多遊艇，加上房間有浴缸可以浸熱水浴，我已經幻想緊自己去咗北海道。
酒店提供嘅早餐係響位於酒店嘅呢間日本餐廳，亦係酒店唯一一間餐廳。餐廳正正位於海邊，座位唔多，充滿着悠閑氣氛。入面位置有吧枱同埋幾張四人座位，近窗邊有兩張高枱，當然你都可以選擇坐喺室外，好好享受美景。
呢度提供日色、西式、同素食三款早餐選擇，我諗呢度既然係日本餐廳，我就選擇左食佢嘅日式早餐套餐，而呢個竟然成為神來之筆，令呢個去北海道之旅更加完美。
我唔係特別喜歡食三文魚，雖然佢油香好豐富，但係過熟就會好鞋，同埋三文魚好容易有腥味。但由於用咗西京燒嘅方法去煮，顯得好好食。雖然我唔係好習慣早餐食飯，但入鄉隨俗啦，既然扮去日本，就要扮到底。
除咗三文魚，甜蛋亦都好有水準，沙律菜好新鮮，凍冰冰飲麵豉湯亦都感覺好好，唯一就係佢嘅漬物比較普通。
日式早餐西京燒三文魚
38 瀏覽
0 讚好
0 留言
另外，仲有咖啡及茶同多士係自助形式自己攞。如果大家有機會入住The Pier Hotel，我都會建議大家試下呢度嘅日式早餐。
張貼
