影片
更多
2010-04-10
13 瀏覽
9-4-2010收工趕灣仔「下場」, 由朋友帶路嚟到呢間賣相 up dup 的越南餐廳快快搞掂.檯上供應兩款魚露, 先澆幾圈橙色的到「無骨雞翼撈檬」試試... 魚露酸, 甜, 微辣味兼備, 夠晒開胃, 幾喜歡; 檬粉硬度剛好, 雖然都有「黐埋一餅嘢」的情況出現, 不過配上魚露, 生菜絲, 芽菜, 青瓜絲 etc 增添「sok sok 聲」, 感覺亦清新, 都 ok 的;「無骨雞翼」係原隻雞翼去骨, 釀入豬肉碎, 粉絲, 蘿白絲, 紅蘿蔔絲, 木耳絲, 生菜絲 etc 再炸, 味道質感都似足「用雞皮包的春卷」, 帶點 herbs 味, 幾得意亦幾好食.朋友的好似叫雞肉菠蘿炒飯... 試了少少飯, 雖然唔算十分乾身, 但炒得好香, 食落帶點咖喱味及少少辣, 幾好食; 雞肉就帶幾強香茅味, 都幾好食的.另 share 了一客鮮蝦豬肉米紙卷... 包得緊緻, 米紙皮帶點米香, 薄而煙韌, 正 餡料有蝦, 少量炸過的豬肉, 米粉, 薄荷葉, 花生碎 etc, 夠晒新鮮, 蘸橙色魚露同吃, 開胃又 refreshing, 呢個十分啱口味! 亦試了少少顏色較深嗰隻魚露, 味道極鹹, 帶幾勁的魚腥
收工趕灣仔「下場」, 由朋友帶路嚟到呢間賣相 up dup 的越南餐廳快快搞掂.
檯上供應兩款魚露, 先澆幾圈橙色的到「無骨雞翼撈檬」試試... 魚露酸, 甜, 微辣味兼備, 夠晒開胃, 幾喜歡; 檬粉硬度剛好, 雖然都有「黐埋一餅嘢」的情況出現, 不過配上魚露, 生菜絲, 芽菜, 青瓜絲 etc 增添「sok sok 聲」, 感覺亦清新, 都 ok 的;「無骨雞翼」係原隻雞翼去骨, 釀入豬肉碎, 粉絲, 蘿白絲, 紅蘿蔔絲, 木耳絲, 生菜絲 etc 再炸, 味道質感都似足「用雞皮包的春卷」, 帶點 herbs 味, 幾得意亦幾好食.
朋友的好似叫雞肉菠蘿炒飯... 試了少少飯, 雖然唔算十分乾身, 但炒得好香, 食落帶點咖喱味及少少辣, 幾好食; 雞肉就帶幾強香茅味, 都幾好食的.
另 share 了一客鮮蝦豬肉米紙卷... 包得緊緻, 米紙皮帶點米香, 薄而煙韌, 正 餡料有蝦, 少量炸過的豬肉, 米粉, 薄荷葉, 花生碎 etc, 夠晒新鮮, 蘸橙色魚露同吃, 開胃又 refreshing, 呢個十分啱口味!
亦試了少少顏色較深嗰隻魚露, 味道極鹹, 帶幾勁的魚腥味, 唔算好喜歡 , 還是橙色嗰隻較啱口味.
環境就幾 up dup 吓, 不過食物好就得啦, 呢度又唔係芽莊 (http://www.openrice.com/restaurant/commentdetail.htm?commentid=2007178), 唔係食裝修呀嘛?
每人 60 幾蚊埋單, 絕對比一條街之隔的 Pho Tai (http://www.openrice.com/restaurant/commentdetail.htm?commentid=2031852) 好得多, 食完仲令我有少少去越南的衝動 , 唔明點解咁多喊面? 會再來的.
下次食蝦米蟹膏湯米!
張貼
