芝加哥串燒酒場 (太和中心)

營業中

休息中

芝加哥串燒酒場星期五晚梗係搵個地方好好消遣一下，順便飲兩杯，就搵咗呢間芝加哥串燒酒場，個名好特別🤣呢度有得睇波，有得食串燒，輕輕鬆鬆飲下酒我覺得好chill同埋relax🤪一坐低一口氣叫咗勁多串燒，叫完都懷疑緊兩個人食唔食得晒咁多嘢😂❤️牛肩肉珍珠米飯我覺得呢個飯超正，首先牛肩肉好滑好嫩好有牛味，另外珍珠米有牛汁嘅陪襯下都好好送飯😍🧡鮮蛋煙肉烤大啡菇，多春魚，白鱔，燒鰻魚，雞翼包飯，鮑魚，我覺得以上嘅串燒係好好食嘅，佢將你嘅order一次過燒出嚟，等你可以趁熱食，雖然等佢燒出嚟要啲時間，但係真係熱辣辣拍落去好爽🤣💚燒蘆筍，雞肉，牛舌，燒菠蘿，蕃薯仔以上嘅串燒就較失色，可能係食材關係，例如好似菠蘿咁就唔係太甜啦，同埋牛舌笑得有啲耐已硬左少少喇💙泰式脆炸八爪魚呢個超級好食，男朋友將成碟拍晒，佢話食得出八爪魚好新鮮，我都覺得好有誠意，呢碟必嗌🤣🤣