翔壽司 (已結業)

今日喺尖沙咀見完客，夜晚約咗朋友食飯，但係距離晚飯仲有一段時間，見又有啲肚餓，咁就去咗尖沙咀厚福街醫肚。有啲想食壽司所以決定食呢間，價錢豐儉由人。餐廳面積雖然唔大，座位可能只有十幾個，但自己覺得咁樣反而仲好，令師傅可以更全程投入處理你點嘅壽司。好快壽司盛盒就呈現喺我眼前，自己比較喜歡食魚，所以叫咗特上壽司盛盒 ($268) : 除咗有海膽、三文魚籽、牡丹蝦、帶子外，仲有六款不同種類嘅魚，每件壽司都超級鮮味，口感極佳。