鈴木珈啡館 (已結業)

行街行到攰攰哋，最好就係坐低飲杯嘢抖一抖！好喜歡超高樓底既格局，令人有一種好舒服既感覺。我哋坐喺近窗位置，落地玻璃透入自然光，悠閒舒適感再度昇華。Order咗兩杯嘢飲，有榛子鮮奶抺茶及豆腐沙冰，前者較佳，鮮奶及抺茶味合二為一，加上忌廉及榛子碎，令人有一試難忘既感覺。後者反而有些兒失望，雖然豆腐味濃郁，但超少沙冰，與心目中還差一段距離。一路飲一路睇住報紙，唔經唔覺又到四點。