諾亞半熟蛋糕專門店 (已結業)

繼上次食過半熟蜂蜜蛋糕之後，心思思試埋芒果味，趁今晚閨蜜生日，買一個慶祝先  最近公司附近，位於星光行誠品書店內，可能周圍都係大量藏書既氛圍，覺得呢間分店既鋪面特別elegant ! 依然有代言貓忌廉哥既為食貓樣張貼於門外，好可愛揀cake既時候，於右下角2款cake最奪目，幾番掙扎，最後揀左草莓芝士溶心蛋糕，話曬都係「限定」款式，芒果味?下次有機再試啦 另外加配一支紅豆水，由於新鮮製造，不加防腐劑既關係，只有凍既，店員用紙袋裝住，拎到餐廳時已濕透過，不但有可愛既貼紙補返!雖然玻璃樽較重，但美觀得黎又可循環再用紅豆有消腫既作用，岩曬我同一班愛靚既閨蜜!好重既紅豆味，呀!應該話只有紅豆味至岩，完全無落糖，好健康!稍嫌底部既紅豆唔夠腍飯後切蛋糕，表面鋪滿粒粒紅草莓碰巧附送既生日牌都係紅色，非常鮮艷!可能影集體相耐左，一切開蛋糕，內裡既半溶草莓芝士湧流出來，味道似草莓乳酪，夾雜著少少芝士味，加上sweet草莓+啫喱，好有質感，一d都唔漏，姊妹們都好鐘意，可再encore