泰昌餅家 (已結業)

泰昌哩個名 細細個就已經聽過 最出名既當然係蛋撻同沙翁la幾個月前 見到天星碼頭開了一間泰昌（本人每日在尖沙咀坐船去灣仔返工） 就即刻幫襯！ 但係幫襯過兩次之後冇再買黎食la 事關佢d蛋撻蛋唔夠滑 賣相亦唔靚仔 試過食沙翁更加係成口油 又燶入面又濕又有”益”味 直至到最近！！！ 我發現佢d食品既賣相有好大既改進 金黃色既沙翁尤其吸引我 我細心觀察左一陣 原來佢地入面個師傅由老師傅換左個後生既 果然係後生可畏啊。前幾日行過 終於都忍唔住買左蛋撻沙翁各一個蛋撻：個皮香而鬆脆 好香既蛋味 d蛋質比我對上果次食果d滑好多 正！！！！沙翁：賣相已經拿一半分 入面不再有一大塊濕面團 亦唔再有成嘴油既感覺 加上油炸過既香脆 非常之唔錯！希望哩度以後都keep住有呢個質素la 因為蛋撻係我至愛