悅火 (已結業)

星期日同朋友聚聚，佢㨂咗一間地點方便同比較全面的居酒屋。餐廳一邊係壽司bar, 一邊係爐端燒。餐廳裝修非常精緻，座位寬敞，坐bar枱的我地仲可以觀賞廚師烹調串燒。而最重要係室內燈光充足，適合影相打卡。好欣賞星期日中午餐牌上有價格比較相誼的午市套餐。我地想兩樣都食，所以叫了商務午餐，有齊鮑魚、刺身、串燒、蒸蛋、漬物、壽司/天婦羅丼、湯同甜品，十分豐富。最鐘意磯煮鮑魚 - 用上原隻鮑魚，厚身但易咬。燒的時候無加任何調味，鮑魚本身帶鹹鮮味，呢個食法能食到鮑魚的原味。再配上鮑魚肝醬，更能突出鮑魚鮮味。串燒就有齊雞牛豬魚和蔬菜。燒鰻魚比較突出，皮脆肉嫰。而燒番茄亦係我心水之選，有層甜甜的脆糖包住番茄，清新之餘又甜甜地。有驚喜的係蒸蛋，睇餐牌就平平無奇。一打開篕，就見到大大件海膽，係海膽蒸蛋，味道十分鮮甜。