壹蒸鍋

營業中

休息中

每次去兆萬食飯都咁熱鬧，之前都係食日本菜，今晚去食中式蒸海鮮。任飲選擇。日式前菜拼盤，品種繁多，有海帶、帶子裙邊、八瓜魚、螺肉、加州卷和三文魚壽司。刺身拼盤有蟹柳、蝦、希靈魚、鲍片、魷魚、三文魚和螺肉，都幾新鮮。龍蝦海鮮窩($219晚市6:30-9pm)海鮮生猛有龍蝦、鮑魚、蟶子、蜆、魚、開邊蝦、扇貝，蒸一陣就有得食。免收醬油費，唔錯。首推龍蝦、魚和蜆，幾好味。食完蒸海鮮就食蟲草花蒸滑雞、日本紫薯拼鮮淮山和醬蒸黑豚肉，紫薯好甜。終於食粥，粥底有大蜆、魚頭一齊敖，鮮味十足。另外再加食物打邊爐，加左菜心、油麥菜、南瓜和菇，非常健康。