M Square

營業中

休息中

在WM Hotel staycation 完， check out後在附近搵野食，呢間餐廳隨酒店新開，裝修有少少cafe感覺，呢度主打西式餐飯和甜品。雖然踏入10月但一點秋意都沒有，熱辣辣嘅天氣唔多想食澱粉，所以和朋友要了一份甜品和沙律及各要了一杯凍飲。🥞Mango & Coconut Pancake Pancake好厚身，有兩層疊高咗，碰碰碟邊見到pancake搖搖下好鬆軟！面層淋滿椰香芒果醬，味道完全無假藥水味，配上新鮮生果顏色好豐富，亦無膩胃感。🥤奶昔-Strawberry-呢杯甜度比士多啤梨雪糕低一點，果香味較為突出，有奶滑身感，飲落好清新適合夏日清暑！-Honeycomb Caramel-呢杯奶香更重，淡淡蜜糖味中有強烈雲呢拿味，飲落好似溶咗嘅雪糕，面層有焦糖脆脆，較有口感和增加甜味！🥗Beetroot Kale Salad沙律主底有羽衣甘藍，配搭藜麥、紅菜頭、青蘋果、松子仁，南瓜籽和乾莓，再加埋檸檬醋調味，入口酸味味好開胃。份量好足，在熱辣辣天氣下時當午餐食好岩架。