2DP (已結業)

記得好耐之前來呢度食個甜品，賣相同味道都非常之好，今次中午經過，發現原來都有午市套餐供應。店內環境依然係咁舒適優美。午市食物選擇都幾多。揀咗我最鍾意的All Day Breakfast，內容都幾豐富，而且夠晒健康，有超級多的蔬菜。炒蛋、腸仔，基本元素都做得好足。比較特別的是佢哋用上多款唔同的蔬菜，有翠玉瓜、茄子、西蘭花、南瓜、番茄、木耳、同平常的沙律菜等等。飲品賣相亦非常特別，淨係個杯都夠晒有趣。滿滿的忌廉好邪惡。一場黎到，雖然係食午飯，但都忍唔住多點一個甜品。今次揀咗半熟芝士燉蛋配普洱朱古力Gelato。芝士燉蛋又香又滑，而朱古力Gelato冰涼得來好清新，帶淡淡茶香，確係好特別。最欣賞呢間餐廳，都係佢個茶味雪糕。覺得佢哋好犀利，能夠將中國茶的元素同西式甜品結合。