意粉 360 (已結業)

上次黎食過D意粉唔錯，今次試咗店員推介的熱石鍋飯，送黎的時候木盤上面貼了一張〝小心熨手〞提示紙，幾有心思喎! 和風蕃茄咖哩一口豬熱石鍋飯套餐，包餐湯、多士、沙律、餐飲…好多嘢食呵，精選套餐仲有好多選擇添!忌廉湯配蒜蓉多士，忌廉的味道香濃樸鼻，蒜蓉多士黏上忌廉湯，多士依然香脆，好正!一口豬的外層有少少脆，感覺唔會好熱氣，豬肉都幾有肉汁，仲有翠玉瓜拌菜添，食落唔會好膩，雖然飯的份量睇落唔多，但係因為用咗珍珠米煮，所以比較有口感仲好飽肚，不過咖哩汁就少咗D，味道同質素都唔錯!環境及服務質素都幾好，感覺好舒服!