影片
更多
2022-07-16
45 瀏覽
位於中環嘅「Le Jardin à Soho」，樓高兩層，以湖水綠為主色調，擺有小植物做裝飾，感覺古典優雅，帶點異國風情，除此之外，餐廳入面都有好多打卡影相位，亦有board games提供，又玩得又食得，好快就度過左一日。食物方面，由輕食到主食，餐廳都有唔少選擇，連較旱見嘅蘇格蘭蛋都有供應添。每逢假日，餐廳仲有提供Brunch Set, 包括前菜兩款，主菜一款，以及飲品一杯，盛惠$198，亦可加$40 要甜品一份。前菜：美式薯餅蝦醬炸雞鎚田園沙律巴馬火腿配莎樂美腸蘇格蘭蛋主菜：班尼迪蛋酸種麵包多士配A:牛油果煙肉B:牛油果蟹肉C:牛油果煙三文魚卡邦尼意粉澳洲肉眼扒配炒蛋/煎蛋/水波蛋Set A:時令沙律大澳蝦醬炸雞鎚牛油果蟹肉班尼迪克蛋上檯時已聞到蝦醬散發出嘅陣陣香氣，炸雞鎚入口鹹鹹地，食落好香脆，非常入味。班尼迪蛋賣相真係無得頂，有別於一般餐廳用到嘅English Muffin 做底，呢度用嘅係酸種麵包。酸種麵包上面放上切片牛油果，上面再放上一層加入左洋蔥、青瓜同彩椒嘅蟹肉蛋黃醬以及水波蛋，上面再淋上荷蘭醬，絕對係整度菜嘅精粹。整過eggs benedict 嘅朋友都知道荷蘭醬要整
食物方面，由輕食到主食，餐廳都有唔少選擇，連較旱見嘅蘇格蘭蛋都有供應添。每逢假日，餐廳仲有提供Brunch Set, 包括前菜兩款，主菜一款，以及飲品一杯，盛惠$198，亦可加$40 要甜品一份。
前菜：
美式薯餅
蝦醬炸雞鎚
田園沙律
巴馬火腿配莎樂美腸
蘇格蘭蛋
主菜：
班尼迪蛋酸種麵包多士配
A:牛油果煙肉
B:牛油果蟹肉
C:牛油果煙三文魚
卡邦尼意粉
澳洲肉眼扒配炒蛋/煎蛋/水波蛋
Set A:時令沙律
大澳蝦醬炸雞鎚
牛油果蟹肉班尼迪克蛋
上檯時已聞到蝦醬散發出嘅陣陣香氣，炸雞鎚入口鹹鹹地，食落好香脆，非常入味。
班尼迪蛋賣相真係無得頂，有別於一般餐廳用到嘅English Muffin 做底，呢度用嘅係酸種麵包。酸種麵包上面放上切片牛油果，上面再放上一層加入左洋蔥、青瓜同彩椒嘅蟹肉蛋黃醬以及水波蛋，上面再淋上荷蘭醬，絕對係整度菜嘅精粹。
整過eggs benedict 嘅朋友都知道荷蘭醬要整得靚真係都唔易，因為整嘅時候溫度控制係非常重要，太熱會變成炒蛋，太生就驚有菌。
酸種麵包烤過後好香脆，牛油果超足料，加埋蟹肉一齊食，真係非常夾，配埋沙律食，感覺非常清新，非常適合夏天做brunch。
Set B:
時令沙律
巴馬火腿配莎樂美腸
澳洲肉眼扒配炒蛋
牛扒係薄切，食落鬆軟，非常多汁，配埋肉汁，非常好味，蛋可以揀炒蛋，煎蛋或者水波蛋，我地就揀左炒蛋，入口好香滑，配埋色澤鮮艷同充滿鹹香味嘅巴馬火腿同莎樂美腸，非常滿足。
飲品方面我地叫左咖啡，味道非常濃郁，有細滑既口感。
Brunch Set + $40 有pancake，見到餐牌上咁多選擇，就知道一定係呢度嘅招牌菜，我地又點可以唔試下呢？
我地試左檸檬伯爵茶配雲呢拿雪榚，呢個配搭同餐牌上其他選擇比較下相對輕盈。
Pancake呈厚身，賣相非常吸引， 熱辣辣嘅pancake 上放上雲呢拿雪榚，上面再放上檸檬皮絲，旁邊再配上伯爵茶醬。
味道方面，pancake食落非常鬆軟，有好重蛋味，配上檸檬皮絲同伯爵茶醬，味道非常夾，再加埋雲呢拿雪榚，一冷一熱嘅口感形成強烈對比，非常吸引，亦為我地今日嘅brunch劃上完美句號。
張貼
