影片
更多
2020-08-23
1677 瀏覽
限聚令之後好耐都冇試過出街食晚餐，想出去食就要揀晏晝。今次又係去咗SOHO這一間西餐廳Meats，見到佢個名，最愛食肉嘅我當然要去試一試。餐廳位於地舖，入邊相當之大，分別有吧枱同四人枱，廚房用玻璃以開放式俾客人可以見到烹調過程。食物方面我叫咗佢嘅brunch set，前菜、主菜、配菜、甜品盛惠$248一位。Chicken liver pate 用雞肝+洋蔥做成嘅雞肝醬配香脆多士，雞肝醬非常濃郁，而洋蔥令佢多咗一份甜味同爽脆口感，與多士非常配合，而且份量足夠兩個人食，所以如果同朋友嚟食就嗌一份好啦。Flap steak下後腰肌翼板肉，呢款牛肉紋理比較粗糙，所以通常都唔會厚切，薄切嘅話就會比較容易烹調同嫩口。醬汁係阿根廷青醬 (Chimichurri)，香草清香襯托肉汁清甜，微酸微辣的醬汁輕輕刺激味蕾，令人胃口大增。(阿根廷牛扒通常都有用呢一種醬汁）Truffle mac & cheese松露配芝士相信都唔使講啲乜嘢，一句講晒，好好食呀！！不過真係幾漏。Coconut lime pie檸檬蛋黃醬加上椰子同雲呢拿雪糕造成嘅甜品，外型非常用心，餅皮做成外牆，連同雪糕、醬汁一齊食，味道同口感非常
餐廳位於地舖，入邊相當之大，分別有吧枱同四人枱，廚房用玻璃以開放式俾客人可以見到烹調過程。
食物方面我叫咗佢嘅brunch set，前菜、主菜、配菜、甜品盛惠$248一位。
Chicken liver pate
用雞肝+洋蔥做成嘅雞肝醬配香脆多士，雞肝醬非常濃郁，而洋蔥令佢多咗一份甜味同爽脆口感，與多士非常配合，而且份量足夠兩個人食，所以如果同朋友嚟食就嗌一份好啦。
Flap steak
下後腰肌翼板肉，呢款牛肉紋理比較粗糙，所以通常都唔會厚切，薄切嘅話就會比較容易烹調同嫩口。醬汁係阿根廷青醬 (Chimichurri)，香草清香襯托肉汁清甜，微酸微辣的醬汁輕輕刺激味蕾，令人胃口大增。(阿根廷牛扒通常都有用呢一種醬汁）
Truffle mac & cheese
松露配芝士相信都唔使講啲乜嘢，一句講晒，好好食呀！！不過真係幾漏。
Coconut lime pie
檸檬蛋黃醬加上椰子同雲呢拿雪糕造成嘅甜品，外型非常用心，餅皮做成外牆，連同雪糕、醬汁一齊食，味道同口感非常豐富。
$248一個set足夠你抱住個肚離開，而且環境唔算嘈雜(相信只有晏晝係咁，夜晚應該好嘈😂)適合朋友慢慢坐輕鬆傾吓計，享受下慢活嘅生活態度。
張貼
