安哥食館 (已結業)

今晚和朋友三人來到安哥食館，終於可以一試,最憎等位既我,平時經過安哥，總是滿座撲空，今天可能天雨關係，唔駛等位yeah!坐低之後點左個咖哩牛坑腩，(牛坑腩好鬆軟，個汁好味道，送飯一流!)，啫啫排骨（都好味但冇驚喜囉），經待應哥哥介紹既蒜蓉粉絲蒸虎虾(D虾好大隻，大約五吋長，捉上來仲係跳跳下，師傅蒸得剛剛好，好彈牙，粉絲食到一條都冇剩，正）最後加個粟米魚肚羹（今次有驚喜，咁普通既菜式，竟然可以咁出色，魚肚羹好鮮味，原來加左瑤柱，呢個配撘 勁!）. 最後埋單三餸一湯，白飯三個，啤酒四支合共$560 抵食！ 原來可以訂位所以下次一定會再去，一定會訂位，唔想等位！