MOO MOO Plus (百德新街) (已結業)

放工就當然想搵個地方chill一chill。呢間銅鑼灣嘅burger店唔算係人口最多嘅Aera，所以都幾僻靜嘅，但搭開巴士嘅都應該會留意佢。呢間算係食burger嘅酒吧，佢嘅店面design都好有酒吧feel，佢亦都真係有酒類提供嘅，呢類餐廳通常都比較多外國人吧佢嘅burger係無薯條提供嘅，但食burger又點可以唔食埋薯條呢～於是我就散叫咗個黑松露薯條。即叫即炸嘅薯條當然好味啦！佢仲有少少味粉，唔點個黑松露醬都已經好惹味！出面食呢款粗身薯條通常都份量好少，但呢到就比得幾足，兩個人share食都夠!至於Burger，因為我唔食牛所以選擇就比較少，但叫咗個肚嘅試下，都唔錯啵！首先佢個包係外脆內軟嘅，口感我中意！入面塊雞排都好入味，不過如果大塊d就更好啦！呢個burger比一般食到嘅Size大少少，所以飽肚感都幾足。之後再加個雞肉餡餅，呢個小食係我最有驚喜嘅！首先佢料好足，一拎上手都幾乎漏出黎，然後啖啖都食到餡料，入面嘅雞肉芝士同醬汁味道又好夾，佢旁邊另外仲有舊芝士，加少少真係錦上添花！我直頭覺得呢個係一個主食唔係小食！