鱻88日本料理 (已結業)

今晚腦細請食飯， 仲特登揀左呢間餐廳～ 呢區既餐廳比較少去， 但呢間係新開， 而且上網睇到環境都好唔錯， 所以就去試下啦～一去到環境真係幾好喎！有Bar枱食omakase，旁邊有卡位，餐廳應該係走高級日本料理既路線～ 食日本野梗係唔少得酒啦～點左枝生原酒，用個好得意既盛酒器黎Serve，感覺幾好～而且服務員會不停黎加酒，服務好好！ 點左個刺身，好好味呀薄切，好新鮮～～～ 點左個蔥吞卷，呢個都好好味呀～～好多蔥～～仲有好多吞拿魚蓉～～不過D紫菜就有少少林左～可惜 呢個係長芋黑松露燒， 應該係淮山。。 上面有黑松露醬。。。 印象中無乜特別所以唔係好記得。。。哈 串燒點左長蔥雞串、免治雞肉串同埋黑豚肉串，都燒得幾香～ 然後點左一隻燒帶子， 係店員推介既， 上面有D好似蛋黃醬或者沙律醬既野， 有D蓋左帶子既味～ 如果少D醬可能好D～ 呢個係海膽天婦羅， 係用紫蘇葉包住海膽黎做既， 一啖食落去係食唔到海膽味架， 如果咬開會見到有海膽， 但都係無乜味， 可能俾紫蘇葉既味搶晒～ 呢個係活海鰻塌塌米，上面係海鰻，下面係米通，其實幾有口感既，不過個米通有D韌，食起上黎就有少少狼狽。。。 之後好似唔