北海拉麵屋 (已結業)

年廿九, 又係執平貨既時候, 在sogo血拼了半天, 到Foodcourt 北海拉麵一試歇歇腳...兩口子叫左兩個拉麵同兩個小食, 餐廳柔和既燈光好舒服, 坐下了真不想走~ 日式煎餃子, 餃子皮好香口, 又唔太油, 唔錯~ 芝士薯餅, 半溶既芝士包在炸薯餅裡, 食完好想再食~~~ 北海叉燒拉麵, 醬油湯底, 大大碗, 叉燒肥瘦適中... 芝士粟米拉麵, 原來也有叉燒, 不過芝士比我想像中有落差, 我仲以為係溶了鋪上面, 原來係原塊上車打芝士...湯底係麵豉湯, 但好鹹, 越食越鹹, 很有關西風味... (大阪的拉麵也是好鹹, 那邊的日本人說要一邊食一邊飲水至正宗)味道ok, 服務亦不錯, 起碼唔會見你食完收晒d野趕人走...