SHAKE SHACK (新城市廣場一期)

營業中

休息中

Shake Shack提供單點漢堡包、小食及飲品。以前第一次食Shake Shack係一個好鍾意食漢堡包嘅朋友介紹，好耐無食，同朋友經過沙田新城市廣場新開分店，就好想幫襯。呢間分店地方大、座位多，整體感覺整潔乾淨，我哋亦座得幾舒適。➺➺甜辣蜜糖脆雞堡$63雞肉外皮香脆、有厚度，咬落有口感，配上鬆軟煙靭麵包、新鮮蔬菜、惹味醬汁，各種材料好搭配，好好味！➺➺ Shack Burger$58牛肉新鮮、牛味濃郁，加上生菜、蕃茄片、厚厚一層半熔芝士，感覺清新，平衡返牛肉嘅少少油膩感！一大啖咬落去，食齊晒全部材料，真係好滿足，食完仲係意猶未盡！➺➺ Milk Tea Shake $45Shake Shack嘅奶昔係餐廳嘅經典飲品，但我竟然第一次試，呢個milk shake奶味好突出、非常濃郁，口感細滑，味道豐富！我下次都要再飲佢！➺➺香辣蜜糖脆雞粒$56炸雞粒外皮酥脆內裏嫩滑、夠油脂唔會乾爭爭，點上秘製甜辣蜜糖醬一齊食，特別滋味，食完一粒又一粒！而且價錢都合理，必食推介！要讚一讚餐廳服務唔錯，遇到嘅店員好友善、熱情，仲迅速處理咗我哋點餐嘅問題。