日牛涮涮鍋專門店 (已結業)

如果佢星期五都係冇限時就好啦!得90分鐘夠食野又唔夠吹水...今日黎食日牛ge LUNCH!佢D長枱位有屏風隔住,幾有私隱!讚!一坐低即刻選好湯底,佢唔同另一間差唔多ge,呢度係一人一鍋,自己可以選擇自己鍾意ge!我選擇左壽喜燒!雖然係好味,但係似乎唔係好健康@@其實用佢黎煮ge野食全部都唔需要再點任何醬料架啦,入晒味架!我地都係選擇左任食澳洲穀飼牛肉,其實都唔錯!一黎黎左一碟牛同豚肉!牛肉ge肥同肉比例大概係2比8,口感唔錯夠薄,落湯5至8秒就食得啦!黎左4次牛肉都差唔多,正!其他野食有海鮮三文治,芝士腸,丸類,大量ge菜!我要推薦一下蕎麥麵,用壽喜燒整真係好好食,一流!!飲品方面得汽水,糖分好高@@如果有果汁就好!甜品係乳酪而非雪糕,應該岩一眾女生啦!