但馬屋 (創紀之城五期(apm))

營業中

休息中

準備好心情去食麻辣火鍋，可惜家人身體抱恙，唔能夠食辣，唯有轉戰日式火鍋。諗起日式火鍋，我就會諗起但馬屋的靚和牛。來到APM，幸好唔使等太耐位就能夠入座。我哋揀咗$289的套餐，可以食到日本產黑無和牛，價錢亦相對較相宜。湯底就揀咗甘露鍋，即係傳統的甜豉油湯底，亦係我最鍾意的湯底。我地亦都試咗干夜鍋，即係魚湯。等待湯底滾起之際，我哋就攞起小盤子，出去自助區搵食。單單係丸類，都有唔少選擇。記得佢哋的雞肉好好食，我哋亦都攞咗滿滿的一盤，當然冇令我地失望啦！主角終於上枱了！日本產的黑毛和牛質素很高，肥瘦適中，而且油花的分佈好均勻好靚。輕輕一淥，大概5至10秒，就能進食。牛肉的味道好香好濃，油脂味喺口中慢慢化開，實在係美食！比較欣賞但馬屋，佢地相對其他日式火鍋較為真材實料，牛肉質素冇乜偏差，碟碟都咁靚。至於次一等的牛，當然冇和牛咁美味，但質素亦唔差。黑豚肉亦意外地幾高質，幾好味道，有濃郁的豬肉香。飽餐牛肉過後，當然要用濃郁的湯底煮下蔬菜啦！打邊爐總有重口味和油膩的感覺，但日式ShabuShabu就完全解決咗呢個煩惱，雖然食到美味的牛肉，但感覺上亦唔會覺得太膩同重口味。