影片
更多
2022-06-13
3477 瀏覽
又嚟觀塘做嘢，順便約人一齊食晏。上次去咗巧明街嚐日本菜，發現原來同一幢工廈入面仲有一間人氣爆登嘅食店，趁今日嚟開，特意過嚟試下。原來餐廳名「Bella」有美麗之意，而「Shine」則是中文字「晒」嘅譯名，代表「日」和「西」的融合，唔怪得餐牌嘅有拉麵、定食，亦有漢堡、牛扒等可供選擇。餐廳而家晚市做緊牛扒放題，不過午市都唔輸蝕，有 Semi Buffet 供應。點一份 Main Course 就可以任食沙律吧、餐湯、甜品及新鮮水果。日式鹽燒鯖魚定食 ($108)：鯖魚燒至微焦，上桌時香噴噴，入口魚味十足，加上廚師功夫到家，已逼出大部份油脂，食落皮脆肉嫩，配搭香草雜菌同珍珠米飯吃，口感好豐富，飽肚又滿足。燒菠蘿酥炸雞扒漢堡配他他醬 ($118) 亦好有驚喜，雞扒大大塊，炸得極之酥脆，入味又 Juicy，咬下啖啖肉。菠蘿輕輕燒過，入口清甜多汁，同酸甜清香嘅他他醬好夾，惹味又醒胃。連麵包也很有誠意，烘得香脆鬆化，啖啖滋味。套餐仲包餐飲，食完甜品再嘆番杯凍檸茶先走，一樂也！
又嚟觀塘做嘢，順便約人一齊食晏。上次去咗巧明街嚐日本菜，發現原來同一幢工廈入面仲有一間人氣爆登嘅食店，趁今日嚟開，特意過嚟試下。
原來餐廳名「Bella」有美麗之意，而「Shine」則是中文字「晒」嘅譯名，代表「日」和「西」的融合，唔怪得餐牌嘅有拉麵、定食，亦有漢堡、牛扒等可供選擇。
餐廳而家晚市做緊牛扒放題，不過午市都唔輸蝕，有 Semi Buffet 供應。點一份 Main Course 就可以任食沙律吧、餐湯、甜品及新鮮水果。
日式鹽燒鯖魚定食 ($108)：鯖魚燒至微焦，上桌時香噴噴，入口魚味十足，加上廚師功夫到家，已逼出大部份油脂，食落皮脆肉嫩，配搭香草雜菌同珍珠米飯吃，口感好豐富，飽肚又滿足。
燒菠蘿酥炸雞扒漢堡配他他醬 ($118) 亦好有驚喜，雞扒大大塊，炸得極之酥脆，入味又 Juicy，咬下啖啖肉。菠蘿輕輕燒過，入口清甜多汁，同酸甜清香嘅他他醬好夾，惹味又醒胃。連麵包也很有誠意，烘得香脆鬆化，啖啖滋味。
套餐仲包餐飲，食完甜品再嘆番杯凍檸茶先走，一樂也！
張貼
