2nd Draft

營業中

休息中

年初結業嘅Second Draft最近重開喇！選址銅鑼灣，近住名店坊，就喺Little Bao隔離！！新店保留咗之前嘅裝潢設計，鋪面細啲，連埋吧枱、單邊位等，座位都唔算少。週六開門冇耐，已經有頗多客人喇。試咗幾款食物，西式食物港式風味fusion嘢，味道真係唔錯，好啱重口味嘅朋友！當然啦都唔好錯過呢度嘅手工啤。大坑薯條 $88咖央西多 $88啫啫雞翼煲 $138炸雞包 $158美國頂級封門柳 $298全部都係重口味菜，大坑薯條 (冇改名 哈哈) 係店招牌粗薯新鮮炸起，勁香口，加咗孜然、高菜、乾辣椒，好惹味。配𠴱隻醬有丁點麻香，稀身啲仲正。西多搽滿椰子吉士，多士軟腍，食落帶酸味，唔知係咪因為隻啤酒糖漿呢。炸雞包好味啊法包微脆，雞件香脆，以南乳醬調味，夾咗子薑，可以平衡到heavy感覺，而且我哋share食，就唔會太飽滯。啫啫雞煲都唔係一般中式口味，微辣之中帶少少酸酸哋。封門柳係高質之選，唔韌有肉味，簡單伴黑椒油已經好食Citrus Trance $87/400mlPilsner $76/400mllunch time嚟點咗兩杯清爽、濃度低啲嘅啤酒，特別係前者，好易入口，帶西柚果香。