Samsen 泰麵

一直都知道灣仔有一間好出名嘅泰國菜，之前襯天氣開始轉熱，想趁「熱」感受吓夏天嘅氣息，weekend專程出咗去食呢間泰國菜！

舖頭開12:00，12:30到嘅時候已經坐滿咗，要等下一輪先有位。但係職員好好，排緊隊嘅時候派咗杯冰水俾大家飲！

招牌泰式和牛濃湯河

入到去第一時間叫咗最出名嘅船麵！湯底香甜濃郁，和牛肉身超級嫩滑，仲有通菜、炸蒜同炸豬皮做配菜。雖然份量唔多，但係喺咁熱嘅天氣食一碗船麵，感覺剛剛好，仲有胃口可以食埋其他小食！

1

泰式炒闊河粉(雞)

闊河粉質地軟燸煙，火喉調味怡到好處，唔會太過油膩又非常惹味。

炸豬頸肉配烤蕃茄辣醬

睇賣相以為豬頸肉質會好乾，食第一口反而覺得唔錯。豬頸肉切成條狀並以炸蒜頭調味，入口啖啖肉，非常有咬口。

泰式街頭椰子雪糕

呢個甜品好似係每枱嘅必食，食完濃味嘅主菜，食返一個椰子味嘅甜品，的確係解膩之選。

1

泰式奶茶 & 桔子咸梅梳打

飲品冇提供飲筒，可以大大啖飲，飲嘅時候覺得充滿泰國特色！