影片
更多
2018-05-13
1619 瀏覽
其實我啱啱從泰國返嚟冇半個月係唔應該咁快又食泰國野，但係朋友話想食D刺激D，係咁話佢發現間新泰國嘢好想試，「言語威逼」下無奈跟佢嚟食！其實我就好鍾意食泰國嘢，不過個幾日泰國旅行日日食有D悶姐。不過呢間Thai In既餐牌又幾吸引啵，傳統泰菜都有齊曬，亦都有新款式。而且平日夜晚七點半前埋單有八折，都抵食！夜晚8點去到都仲幾多客。首先嚟個Phad Thai先，呢個泰式炒金邊粉我係泰國個幾日都有食，次次都係街邊檔小炒。但Thai In呢度加埋虎蝦，成個感覺就Chic咗好多。視覺效果更豐富！將砂糖、辣椒碎、花生粒撈均勻，然後擠埋青檸汁，後期加工就完成了。酸甜香辣集於一身，超開胃惹味。D金邊粉索曬調味，食落口仲有粒粒花生碎，層次感出曬黎。而且抵讚既係，呢度既蝦炸過，所以殼超脆，可以連埋殼食落肚，唔使食得咁污糟。同埋我覺得呢個Phad Thai既酸甜味比我係泰國食到既要濃郁好多，粉身軟硬度亦適中。然後就係我每次食泰菜都點既泰式生菜包，呢次為咗健康D，唔要豬肉要雞肉。鹹鹹辣辣，入口香茅同乾蔥頭既味道就湧出嚟。我個人嚟講就好鍾意包生菜，蔬菜的清爽包著惹味的肉碎，額外突出到肉的惹味。朋友就反而鍾意用呢個
其實我就好鍾意食泰國嘢，不過個幾日泰國旅行日日食有D悶姐。不過呢間Thai In既餐牌又幾吸引啵，傳統泰菜都有齊曬，亦都有新款式。
而且平日夜晚七點半前埋單有八折，都抵食！
夜晚8點去到都仲幾多客。
首先嚟個Phad Thai先，呢個泰式炒金邊粉我係泰國個幾日都有食，次次都係街邊檔小炒。但Thai In呢度加埋虎蝦，成個感覺就Chic咗好多。視覺效果更豐富！將砂糖、辣椒碎、花生粒撈均勻，然後擠埋青檸汁，後期加工就完成了。
酸甜香辣集於一身，超開胃惹味。D金邊粉索曬調味，食落口仲有粒粒花生碎，層次感出曬黎。而且抵讚既係，呢度既蝦炸過，所以殼超脆，可以連埋殼食落肚，唔使食得咁污糟。同埋我覺得呢個Phad Thai既酸甜味比我係泰國食到既要濃郁好多，粉身軟硬度亦適中。
然後就係我每次食泰菜都點既泰式生菜包，呢次為咗健康D，唔要豬肉要雞肉。鹹鹹辣辣，入口香茅同乾蔥頭既味道就湧出嚟。
我個人嚟講就好鍾意包生菜，蔬菜的清爽包著惹味的肉碎，額外突出到肉的惹味。朋友就反而鍾意用呢個肉碎嚟送白飯，都係一個唔錯嘅選擇嚟嘅！
跟住呢個重頭戲啦！劈開椰青見海鮮，呢個我覺得係成晚最抵食，因為真係一個完整新鮮椰青開出嚟，連椰水都有俾埋你。成個餸以紅咖哩和海鮮組成，海鮮份量唔吝嗇，大蝦、青口、帶子都好幾隻。同埋比較特別嘅係咖哩，會見到唔係好似其他泰國餐廳咁稀，質感有點像香蕉蓉，其實係因為咖喱入面加咗雞蛋，所以比較泥狀。雖然咖喱顏色鮮豔，但因為係以味道溫和嘅紅椒而製，所以味道並不會太辣，用嚟配飯一流。而隨咖喱送嘅椰水更係錦上添花，因咖喱味濃，椰水可以沖淡口入面過分的辛香料味。
椰汁芒果糯米飯😍，呢道甜品對於我呢種芒果怪嚟講最開心架啦！芒果新鮮唔會熟到爛，一口糯米一口芒果，椰汁獨有嘅奶香又增加了成個甜品嘅香甜味。不過可惜因為前面我又食左Phad Thai又食咗飯，飽到糯米飯都食唔曬。如果想食埋呢個甜品，前面主食千祈唔好食咁飽啊！
我地兩個人加埋一都係415蚊，我覺得好抵食，一嚟料真係算多，二嚟味道同地道嘅泰國菜真係一致（我啱啱去完泰國，所以有資格講呢句說話😎），香、辣、酸、鹹配合得天衣無縫，值得Encore！
張貼
