奧士曼里阿 (已結業)

以前每次都係經過，尋日終於有機會去呢間店試下。最basic的roti ($10) 唔錯，亦見好多人買roti lamb外賣，應該其他款式的roti都好食。我仲另點咗一個濃汁curry lamb ($50)、乳酪雞同garlic 西蘭花。羊係叫小辣但頭一啖食落去都幾辣的，但o個種辣味會好快消失，都唔錯。個菜唔使comment，因為冇特別。但乳酪雞就真係好唔得，$60有六件，食落去似牛肉餅，而且好好好咸。服務方面，最差就係有個唔識中、英文嘅印度人幫我落單，我只係repeat 想點菜的號碼都講咗3次，仲係每次都以為佢明，下次又返o黎再問過。只係得另外一個年青d同一個老d嘅可以溝通到。總結係d薄餅最得！