Roll (已結業)

知道尖咀開左間新既Roll Cake店，難得經過當然又要買黎試下。入到去既時候間店子仲有少少裝修緊，但其實都已經開緊業，裝修都係以簡約為主，原來除左蛋糕，macarons仲有咖啡俾你可以坐低飲杯野食件cake咁，佢個度都有幾張櫈可以俾你坐低食下野。去到差唔多 4 點到，都有d客人會入黎睇下同幫襯，當然佢既價錢唔算平啦。$26 一件其實真係幾貴，不過佢有一半都起碼去左個租度，所以無辦法啦。Roll Cake有7-8款既味道選擇，看來朱古力是比較受歡迎的一款，因為見它件數較少，最後我就選擇了要一件楓蜜糖漿。店員姐姐很細心的為我裝了在一個袋子裡，不過其實我即刻就拆左出黎食，好似浪費左佢個袋咁，下次佢可以問下睇下會唔會即刻係店入面食，可以慳返D紙袋嘛。蛋糕的確是鬆軟好吃，有時會咬到表面有點點硬硬脆脆的，但再吃下去卻是很軟綿綿的。吃下去有蛋香，不過老實說我真的一點楓蜜味也吃不到呢! 它在蛋糕裡還有一些合桃，令蛋糕變得香口些，不過喜不喜歡就見人見至。很多Cream卻是一點也不會太膩，凍凍的吃下去是清新的感覺。味道不差，不過價錢真的不便宜，下次也許我會選擇買macarons或試試它的咖啡。