賣晒廣告話開到凌晨 3am, 特登搭車出去食, 點知去到門口, 只不過 11pm, 有個男職員就話閂門啦. 個男職員講完就行左出街 (唔知係咪趕住去食煙), 一臉疑惑之下, 入面個女職員又出黎講 "閂左門", 跟住就調頭返入去.
明明出面寫住開到 3am, 11pm 會閂門?! 叫返個走都走唔切既女職員出黎問, 先知道有人包場唔開.
OK, 包左場唔緊要, 山長水遠由新界搭車出來食你, 你就連續兩個職員都毫無禮貌黑口黑面掉低句 "閂左門" 就算, 零解釋, 一句道歉或唔好意思的說話都冇. 我是來俾錢你賺的, 不是來乞食的, 無論點也用不著這種態度對客吧?
生意係咁做的嗎? 你喜歡宴請你曾志偉那班藝人熟客, 一係就開個私家場, 一係就訂明 11pm 關門吧. 不要一面宣傳開到凌晨, 一面隨自己喜歡包場趕客.
好揀唔揀, 今晚揀左自家烏冬, 真係後悔.
以上食評乃用戶個人意見 , 並不代表OpenRice之觀點。
讚好
用餐日期
2010-08-02
用餐途徑
堂食
