一起果醬 (已結業)

果醬mix 主食，好難想像啊！朋友仔堅持話要黎食飯，都係照跟！餐廳俾我一種好舒服的感覺，好似放假去左旅行咁，燈光環境都好休閒！Relax~~~全程由朋友決定食咩，我連腦都唔洗用，盡情食！慢煮羊架係我最鐘意的一道菜式，羊肉外脆內鬆軟！肉質的纖維豐富，慢煮令其肉質變細嫩而不失彈牙的口感！慢煮後再焗香羊架，口感十分有層次！薯仔、蕃茄仔及荀都焗得好入味，調味做得好好，醬汁是其精華所在，芒果汁與芥末的調合令人開胃又停唔到口！無聊同羊架或配菜都係perfect match!蒜香龍蝦配龍蝦汁意大利粉：真係有半件龍蝦咁多！龍蝦係經醃製過的，我先試一試味，龍蝦醃得偏咸，所以我將龍蝦身的肉、膏及蝦鉗的肉先拆晒出來，要與龍蝦汁意粉一齊食，味道剛好！因為意粉應該係為了配龍蝦而放了少鹽，但意粉的龍蝦汁味很濃，所以配合拆下來的龍蝦肉，好好食！我叫左杯雪耳木瓜牛奶熱飲，好好味！木瓜味不太重，有少少木瓜及雪耳碎食，好特別！冇揀錯！