Pause It (已搬遷) 新店位置

星期一嘅時候，我為咗趕走Monday blues，通常都會食返個靚brunch，飲番杯有水準嘅咖啡，令心情都靚啲。今日11點去到位於旺角嘅呢間咖啡店，一心諗住入去食歌brunch, 點知原來11點半先會有嘢食，只好點左一杯竹炭咖啡先。竹炭咖啡嘅味道比起一般latte除左係多左黑色素外，仲會慢慢滲出一種特殊嘅香氣。我鍾意呢杯咖啡嘅牛奶、奶泡同咖啡三者比例得宜，味道討好。終於等到11點半，叫咗一份牛油果多士。冇錯，作為牛油果迷，見到餐牌上有牛油果製品，當然唔會放過。呢度嘅多士好脆，配上熟度剛好嘅軟稔avocado，真係好滋味！我再點多咗一杯紅絲絨拿鐵，其實就係紅色嘅可可牛奶，味道其實唔難想像，甜度適中，十分不錯。