碧士文 (Sugar+) (已結業)

維多利亞公園正對面係碧士文 pigsman 。一開始就俾佢嘅高樓底嘅裝修同埋落地大玻璃吸引住. 仲有一個好特別嘅陳列櫃，陳列晒店主嘅心頭好。望到個名就知道係主打食豬肉。🤩芝士焗越式水咖喱豬扒飯 $73咖喱本身就豬扒好夾，同埋芝士令到個食物嘅味道提升。同埋真係食得出佢唔係返熱返啲食物，而係即叫即焗。非常有誠意。🤩手打豬肉丸 (combo side)加$29 就可以有埋薯條或者自家製肉丸同埋汽水，啱晒啲比較大食嘅朋友。我哋就揀咗個肉丸，味道一流，同埋可能係自家製嘅原因，所以個肉質亦都比較Q彈。🤩豬扒多士$55分量大大份，亦都係厚切嘅豬扒，豬扒好冧，唔會黐牙，佢個多士又有烘底，配埋啲蔬菜同蕃茄，就可以中和一下豬扒嘅肥膩感。🤩雙重特務H&M（自家製善蓉拼肉丸配燒汁或越式水咖喱) $38重點要講下佢個薯蓉真係自家製，唔係出邊現成買。同埋配埋自家製嘅肉丸，同埋醬汁，真係好味。🤩椰青水$18食完咁多肉之後飲返椰青水，就舒服晒。