影片
更多
2020-12-06
6675 瀏覽
呢間餐廳真係正到暈, 無論食物, 環境, Service 定係氣氛都好正😌 重點係酒店入面用呢個價錢食到咁多野真係超值🤩 一向有選擇困難症既為食妹為左唔想揀食咩就決定要佢地既”Feed Me” $420/pp即係一個set dinner🍽 呢個set包三個starter, 三個main 同埋一個dessert🍰 鐘意飲wine 既可以加$198 就會有3杯唔同既wine🍷 staff會好細心介紹每隻酒等你知道自己飲緊咩, 三杯飲落都勁滑口好正😌 唔知係咪因為訂枱既時候同左佢地講我朋友生日, 所以就俾多左一個starter 我地👍🏽係上菜之前會俾一大碟超脆蝦片加三個鹹,辣, 酸既醬, 每個醬都有佢地既特色, 又係停唔到口既野😂Starter:Seasonal Oysters🦪用生蠔黎做starter係一餐美好既開始😌 新鮮肥美既生蠔擺左係粗鹽上面🧂生蠔上擺左大大粒既三文魚籽, 配上柚子酸汁同埋青辣椒莎莎做調味, 提升左成隻生蠔既鮮味同口感, 連我個本身唔鍾意食生蠔既朋友都讚好🤩Hiramasa Kingfish🐟四片薄薄既新鮮既油甘魚刺身配上清新青檸香草汁, 醃青辣椒同埋金不換做調味,
呢間餐廳真係正到暈, 無論食物, 環境, Service 定係氣氛都好正😌 重點係酒店入面用呢個價錢食到咁多野真係超值🤩 一向有選擇困難症既為食妹為左唔想揀食咩就決定要佢地既”Feed Me” $420/pp即係一個set dinner🍽 呢個set包三個starter, 三個main 同埋一個dessert🍰 鐘意飲wine 既可以加$198 就會有3杯唔同既wine🍷 staff會好細心介紹每隻酒等你知道自己飲緊咩, 三杯飲落都勁滑口好正😌 唔知係咪因為訂枱既時候同左佢地講我朋友生日, 所以就俾多左一個starter 我地👍🏽
係上菜之前會俾一大碟超脆蝦片加三個鹹,辣, 酸既醬, 每個醬都有佢地既特色, 又係停唔到口既野😂
Starter:
Seasonal Oysters🦪
用生蠔黎做starter係一餐美好既開始😌 新鮮肥美既生蠔擺左係粗鹽上面🧂生蠔上擺左大大粒既三文魚籽, 配上柚子酸汁同埋青辣椒莎莎做調味, 提升左成隻生蠔既鮮味同口感, 連我個本身唔鍾意食生蠔既朋友都讚好🤩
Hiramasa Kingfish🐟
四片薄薄既新鮮既油甘魚刺身配上清新青檸香草汁, 醃青辣椒同埋金不換做調味, 酸酸地同個刺身好夾😉
Korean Broccoli 🥦
呢個相當特別既菜都係第一次食, 而且真係整得相當出色👆🏽用左韓式甜醬炸雞既香脆外皮包住西蘭花加椰菜紅蘿蔔絲沙律, 甜甜辣辣好惹味😋 上面仲有大量既沙律菜絲, 成個造型有啲似章魚小丸子🍡
Salt and Chilli Squid🦑
呢個唔包含係今次呢個menu度, 係廚師另外俾我地嫁👨🏽🍳 份量對於兩個人黎講係多的, 不過因為佢真係整得好好食, 所以我地都忍唔住食曬😋 魷魚完全唔韌得黎夠曬彈牙, 點埋個泰式海鮮醬加蒜香蛋黃醬真係令人停唔到口🤤
Main:
Changs Pork Belly Ssam🐖
呢個豬真係真心勁好食, 完全令我諗起韓國燒烤🔥 黑毛豬腩肉唔會過肥, 配埋小葉生菜, 芝麻葉同埋芥末醬, 口感豐富之餘又唔會覺得油膩, 真係冇諗過係酒店都可以食到啲咁地道既韓風食物💁🏾♀️
Green Curry Chicken🐓
青咖哩汁好creamy好滑, 雞既肉質好嫩滑, 而且每件都好大舊食到啖啖肉, 如果有個白飯配下就一流
Chilli Prawn 🦐
Prawn 同Green Curry Chicken 係擺係兩層架度上, 真係成個plating 已經好吸引同埋instagramable 📸 兩隻大大既虎蝦被濃濃既特調蕃茄醬包圍🍅 蝦殼已經幫我地整好曬, 食既時候只需輕輕一整就可以甩曬啲殼, 之後就可以食到啖啖彈牙既蝦肉喇🤩
Main 仲跟左一個stir-fried long bean 同埋炒得超乾爽既參巴醬蛋炒飯🍚
最後就係甜品喇, 因為係慶祝我朋友生日, 所以佢地都有幫我加左生日牌同埋蠟燭係甜品度, 送出黎既時候啲staff仲唱埋生日歌, 真係好正😂
甜品都相當特別, 主要用左朱古力做主調, 兩塊比較硬身既朱古力脆片on top of 兩舊用鹹鹹脆脆既朱古力包住椰子味雪糕既鵝蛋形物體🍫 再配少少cream, 成餐飯就好完美
呢間餐廳既service 真係好到爆, 會有專門既staff去serve 幾枱客人, 所以佢地都會好照顧到我地既需要, 最深刻係我叫左一杯cocktail覺得唔太好飲, 佢堅持話要幫我換, 個bar tender 直程出左黎問我鐘意啲咩口味再整左杯特調俾我, 呢個位真係加曬分👍🏽 另外, 係上甜品既時候仲幫我地影左一人一張即影即有📸 食完之後同朋友即刻想係度staycation 返一晚😌
餐廳啲窗邊位都係可以望到維港海景, 如果想坐到靚位既話記得早啲打電話去卜同埋講明要窗邊位呀❗️ 我覺得佢既食物好高質, 咁樣既服務質素真係淨係酒店先會享受到, 去之前仲驚會食唔飽, 點知最後係食到飽到頂上心口, 所以真係CP值極高👍🏽
張貼
