太平館餐廳

營業中

休息中

如選擇到太平館食飯，我必選油麻地古色古鄉的總店，內部裝修盡量保持六、七十年代的特色。雖然侍應們都是一把年紀的叔叔伯伯，但招乎都未算待慢，尚算殷勤。其他的分店都有去過，現代裝修、年青侍應，但食物參差，甚至入不得口，所以都會返去總店，食佢有水準的廚藝。此間老店不時有富婆、明星來食野或外賣。 瑞士雞翼，賣相一流、深色有光澤的瑞士汁、肥美的雞中翼連翼尖，入口甜甜酸酸、還有鮮甜的肉汁。我唔愛食甜野，都覺ok。 乾炒牛河，喜歡佢炒得均勻，不油、不太咸、老抽生抽適中、乾身，還用幼身的河粉我最喜愛。牛肉入味，有燒烤香；豆角爽口，我最高興就是不會落牙菜、蔥一齊炒，因我唔食的。 白汁龍脷柳，我覺得依道菜係全店做得perfect 的。龍脷用蛋漿包實慢火煎熟，薄薄的一層蛋不老、不燶，鎖住肉汁在內。當一切開，蒸氣及魚香一同噴出，還見到肉汁慢慢滲出來，眼見已滑、入口更滑。配上奶白色滑滑的白菌汁不太濃、剛好、不會蓋過魚鮮，做得比其他菜出色。 龍蝦湯，都是極品，很濃的龍蝦味道，又做得很幼細、很滑，熱燙燙的飲下，胃暖笠笠的，很舒服又滿足。價錢屬中上，只要好食無所謂啦。