影片
更多
2022-07-20
398 瀏覽
聖誕節真係好開心，度度都佈置到好靚好有氣氛🎄食飯都有 feel 啲Pazzi 嘅 tasting menu 係意日 fusion 路線，食物精緻細細份，啱晒女生聚會前菜先上一份黑松露枝豆同芝士薄脆，全部都係啲無得輸嘅項目一定唔會死錯人😆前菜有 smoked sashimi，加咗煙燻味層次更加豐富，令到油甘魚同吞拿魚都更加鮮味Caviar Wagyu Don火炙和牛配上魚子既迷你小蓋飯，和牛油脂豐富美味 係做到入口即化嗰種感覺，但係啲魚子好似無乜味，或者話係比和牛冚過晒，同埋唔知係唔係因為係丼飯唔係用醋飯覺得有啲失色Foie Gras鵝肝煎得好香，生熟程度掌握得好好，口感滑潤配埋墊底既粟米醬，榛子粒粒同埋無花果，減輕左個油膩感但係又唔會太搶味，整體搭配有新鮮感，個粟米醬係驚喜既～Miso Crab Tagliolini生拆松葉蟹肉、蟹膏配上白麵豉嚟調味，唔會過份濃得嚟食得到蟹既鮮美，Tagliolini口感彈牙，實在配合得好好🦀個人覺得呢個係是日亮點Alba White Truffle & Uni Clay pot rice (+$480/2pax)唔蟹既朋友仔亦都可以加錢升級做呢高級煲
Pazzi 嘅 tasting menu 係意日 fusion 路線，食物精緻細細份，啱晒女生聚會
前菜先上一份黑松露枝豆同芝士薄脆，全部都係啲無得輸嘅項目一定唔會死錯人😆
前菜有 smoked sashimi，加咗煙燻味層次更加豐富，令到油甘魚同吞拿魚都更加鮮味
Caviar Wagyu Don火炙和牛配上魚子既迷你小蓋飯，和牛油脂豐富美味 係做到入口即化嗰種感覺，但係啲魚子好似無乜味，或者話係比和牛冚過晒，同埋唔知係唔係因為係丼飯唔係用醋飯覺得有啲失色
Foie Gras鵝肝煎得好香，生熟程度掌握得好好，口感滑潤配埋墊底既粟米醬，榛子粒粒同埋無花果，減輕左個油膩感但係又唔會太搶味，整體搭配有新鮮感，個粟米醬係驚喜既～
Miso Crab Tagliolini生拆松葉蟹肉、蟹膏配上白麵豉嚟調味，唔會過份濃得嚟食得到蟹既鮮美，Tagliolini口感彈牙，實在配合得好好🦀個人覺得呢個係是日亮點
Alba White Truffle & Uni Clay pot rice (+$480/2pax)唔蟹既朋友仔亦都可以加錢升級做呢高級煲仔飯，日式釜飯面頭灑滿海膽同白松露，海膽加熱之後更加鮮味同時又柔軟又粘口、夠晒濃郁用嚟拌飯不得了。反而啲松露就得個樣，無乜味既，食紙片咁🧻（唔加錢既蟹意反而好食啲，有啲諷刺）
主菜挑選左French Pigeon，鴿既外面捲住煙肉，令到個味道層次更加豐富，口感亦都更加脆。鴿肉細嫩夠滑，唔錯。
但係揀咗 Cod 既朋友仔就好慘，舊魚細舊到魚手指咁，大家食鴿鴿既朋友紛紛慷慨解囊請佢哋食鴿，如果唔係應該真係會唔夠飽囉！最後上場既係 Pazzi Surprise，平時既甜品/cheese 車裏面竟然係海膽同埋紫菜，原來個 surprise 係即刻整既海膽紫菜包飯，海膽繼續係肥美既紫菜亦都夠脆（但又其實同之前個釜飯 duplicate 左🙈）
甜品環節係拎返個尾彩既.CREMIA soft serve with lemon zest 🍋
Creamia 雪糕不嬲都奶香甜美軟滑俱備，呢度加埋新鮮即刨既檸檬皮，令到口感更加清新，食完都唔會有負擔，係一個 perfect ending，呢個竟然得到女生們一致讚好
張貼
