Hero's Friday (黃埔新邨) (已結業)

漢堡就食得多，有冇諗過用鬆軟嘅pancake嚟整？豬柳蛋班堡（$48) 炒蛋香滑，豬柳微微煎香，記得加$10要埋炸雞粒😆仲有洋蔥圈、蕃薯條同埋薯角選擇。我自己就最鍾意雞粒，粒粒都佈滿左味粉，香脆嘅口感加上充滿肉汁嘅雞肉簡直係絕配。薯角亦都好好味！而且有超級多件分享嚟食就最啱。試埋佢哋嘅手工牛肉漢堡一樣咁有特色！隊長漢堡（$72）有大大塊煙肉生菜仲有煎蛋同埋牛肉，牛肉嘅顏色仲有少少紅，新鮮好味又唔會太熟。