美孚店比中環店細好多，座位少一半，所以都等咗一陣先有位。我地叫咗一杯熱美式咖啡（無影到，咖啡正常發揮），全日早餐，宇治抹茶紅豆疏乎厘share食。舖頭主打疏乎厘，有好多口味選擇，宇治抹茶紅豆係限定，唔知幾時會轉。
食物方面：
🍡🍵疏乎厘空氣感十足，疏乎厘上面有塊薄麻糬，旁邊有啲紅豆，綠茶忌廉（入邊有雪糕），三色丸，綠茶蕨餅，綠茶曲奇脆脆。好大堆頭😆就咁食疏乎厘會有啲齋同乾，加埋綠茶忌廉撈埋一齊食就啱啱好，我同朋友都覺得旁邊嘅綠茶曲奇脆脆好好食。
🥓🍳全日早餐就乜嘢都有啲，樣嘢都正常發揮，薄pancake口感會似蛋糕仔，朋友仔話好香蛋味出色（不愧為pancake 界大佬），不過要彈嘅係牛油果當日唔係咁熟。
見到隔籬枱叫咗個蘿蔔蛋糕，好似唔錯，下次想試埋，同埋一定會再試其他口味既疏乎厘
