影片
更多
2023-02-08
14 瀏覽
今次嚟到上環Paintable Cafe，雖然地點唔算好就腳，但係如果你想搵個寧靜嘅地方休休閒閒咁過一個下午，又或者想搵個靚靚地方同姐妹打個咭，呢個真係大推！重點係食物質素好好，有時有啲cafe環境係靚，但係食物一般，但呢間真係各方面都高分！今次叫左All Day breakfast($138)、帶子黑松露蘑菇意粉($138)、木槺布甸牛角包窩夫配雪糕($78)、伯爵紅茶($38)All Day Breakfast內容每間餐廳嘅內容都大同小異，但呢度嘅質素有啲出乎意料。最鍾意嘅係佢個牛角包，好香牛油味，而且外皮保留到酥脆嘅口感。黑松露炒蛋嘅松露味係真係食到出嚟，而唔係單單黑松露香。帶子黑松露蘑菇意粉都係水準之上，我本身都好鍾意黑松露嘅味，但係滿足嘅黑松露意粉唔多見：有啲會聞落好香但食落味道唔足；有啲係醬汁唔夠，食到一半就乾爭爭。呢度嘅意粉$138有咁嘅質素，CP值真係好高，食落聞落嘅味道都好令人滿意。帶子正反面輕輕煎香，但又唔會過熟，保留到帶子嘅嫩。對佢地嘅牛角包太有偏愛了，所以木槺布甸牛角包窩夫配雪糕嘅主體本身都已經無得輸，牛角包上面擠左一層cream再加一層木槺，食落肚嘅係滿滿嘅罪
今次叫左All Day breakfast($138)、帶子黑松露蘑菇意粉($138)、木槺布甸牛角包窩夫配雪糕($78)、伯爵紅茶($38)
All Day Breakfast內容每間餐廳嘅內容都大同小異，但呢度嘅質素有啲出乎意料。最鍾意嘅係佢個牛角包，好香牛油味，而且外皮保留到酥脆嘅口感。黑松露炒蛋嘅松露味係真係食到出嚟，而唔係單單黑松露香。
帶子黑松露蘑菇意粉都係水準之上，我本身都好鍾意黑松露嘅味，但係滿足嘅黑松露意粉唔多見：有啲會聞落好香但食落味道唔足；有啲係醬汁唔夠，食到一半就乾爭爭。呢度嘅意粉$138有咁嘅質素，CP值真係好高，食落聞落嘅味道都好令人滿意。帶子正反面輕輕煎香，但又唔會過熟，保留到帶子嘅嫩。
對佢地嘅牛角包太有偏愛了，所以木槺布甸牛角包窩夫配雪糕嘅主體本身都已經無得輸，牛角包上面擠左一層cream再加一層木槺，食落肚嘅係滿滿嘅罪惡感。
伯爵紅茶用嘅係Twinings嘅茶包，會有個小蠟燭一直喺下面加熱，所以飲到最後都仲有暖暖嘅茶飲。p.s. 成set都好靚，好適合打卡。
成間cafe嘅裝修都好靚好小清新，周圍牆仲畫左壁畫，好好feel～ 坐喺窗邊，又有少少陽光照住，係會有啲置身喺韓國小清新cafe嘅感覺。
Paintable Cafe好似都係開左無耐，但係我感覺佢地各方面都已經好ready了，不論你係為食物定係為環境，都好推薦大家去試一試！= Paintable Cafe @paintable_cafe // 上環差館上街16號地鋪 // 9181 2585 =
張貼
