牛極 (好順利大廈) (已結業)

疫情漸退，可以去多點唔同種類嘅餐廳🙂呢晚要在家開OT，返家前想快手食個晚餐，選擇牛極是正確的！牛極在元朗站附近一帶係獨市！$80有石燒牛肩扒，而且沙律、湯、飯仲係任裝，連多款醬汁及調味料，還不用加一，極爽😋😋😋！雜菜湯好足料！牛肩肉雖不比其他部位軟淋，但勝在牛味濃，火喉控制得宜時其實已經夠好食。我喜歡邊切邊燒邊吃，切出來後辣一辣兩邊，較易控制生熟度，好juicy~沙律菜都幾新鮮，可以自製牛扒沙律tim!米飯用珍珠米，夠誠意。我最鍾意牛極嘅地方其實係夠快！！點菜後極速上菜，石板夠熱，自己燒都好快，半個鐘內食完，返到屋企繼續努力，可能食完牛扒真係有力啲，果晚生產力有點高🥰開心開心。