影片
更多
2021-07-04
23 瀏覽
上網搵尖沙咀餐廳嘅時候就見到呢間新開嘅印度餐廳，專門食健康嘅印度菜，於是就約朋友去試吓，感覺幾有驚喜🤩，可以由尖沙咀N2出囗行過去，都幾方便，位置就係嘉寶漢堡對面。坐低就有店員即刻遞餐牌，放低水同送上印度小食，係脆脆地嘅薄片配有薄荷醬同香草燒烤醬，兩個醬都幾惹味，少少辣😉一打開Menu即刻發現咗一個特別之處，平時好少見Menu會好清晰咁列晒食物嘅營養資料，例如 calories, fat, carbohydrate, protein，但呢間餐廳就好貼心，可以方便大家知道自己攝除咗幾多calories，一眼就睇晒，最啱要keep fit嘅人士，咁你就可以根據自己需求去揀適合自己嘅菜式😚Grilled Chicken, Avocado and Quinoa Salad烤雞肉配牛油果藜麥沙律🥗Regular(200G) $65Large(300G) $85一人份量嘅話可以揀regular, 因為我哋有兩個人，所以店員就推薦我哋揀large，雞肉係用印度香料醃製，好嫩同埋唔乾，而且係煙燻🤤平時我都幾鍾意食牛油果🥑，佢嘅牛油果好新鮮，仲要好香！藜麥平時大家都有聽過，但係又知唔知道原來藜麥嘅蛋白質
坐低就有店員即刻遞餐牌，放低水同送上印度小食，係脆脆地嘅薄片配有薄荷醬同香草燒烤醬，兩個醬都幾惹味，少少辣😉
一打開Menu即刻發現咗一個特別之處，平時好少見Menu會好清晰咁列晒食物嘅營養資料，例如 calories, fat, carbohydrate, protein，但呢間餐廳就好貼心，可以方便大家知道自己攝除咗幾多calories，一眼就睇晒，最啱要keep fit嘅人士，咁你就可以根據自己需求去揀適合自己嘅菜式😚
Grilled Chicken, Avocado and Quinoa Salad
烤雞肉配牛油果藜麥沙律🥗
Regular(200G) $65
Large(300G) $85
一人份量嘅話可以揀regular, 因為我哋有兩個人，所以店員就推薦我哋揀large，雞肉係用印度香料醃製，好嫩同埋唔乾，而且係煙燻🤤平時我都幾鍾意食牛油果🥑，佢嘅牛油果好新鮮，仲要好香！藜麥平時大家都有聽過，但係又知唔知道原來藜麥嘅蛋白質含量係比白飯多一倍，當中嘅蛋白質係完整蛋白質，有齊人體必需要嘅9種胺基酸，所以好啱素食者食用。藜麥嘅膳食纖維亦都比白飯多，屬於低GI食物，如果大家平時飲食注重健康，需要控糖，絕對係一個好選擇👍🏻👍🏻沙律淋上秘製嘅醬汁，味道好夾，好fresh，酸酸地好開胃🤤
Grilled Chicken, Avocado and Quinoa Salad (Large 300G)
$85
1 瀏覽
0 讚好
0 留言
食完沙律，咁啱下一個菜式就到咗~
Chicken Tikka Sandwich (Premium bread)$80
佢哋嘅麵包係自家製，你可以揀普通麵包或者升級加$15，改為Premium bread，三文治烤得好香脆，同埋餡料好多，好大份，餡料包括有生菜、青瓜、烤雞等，麵包配合埋印度香料，少少辣，層次好豐富！
Chicken Tikka Sandwich (Premium bread)
$80
6 瀏覽
0 讚好
0 留言
Vegan Chocolate Cake $60
素食朱古力蛋糕
鍾意食朱古力既朋友一定要叫呢個蛋糕，因為朱古力味好濃，仲要好大件，至於甜度絕對可以滿足到我😆
Vegan Chocolate Cake
$60
2 瀏覽
0 讚好
0 留言
Vegan Cheese Cake $60
素食芝士蛋糕
芝士蛋糕同以往食嘅唔一樣，有少少特別，中間夾心嘅質感好似雪糕咁，仲有一層焦糖醬🤤
餐廳裝修好優雅，食嘅時候係差唔多下晝，餐廳嘅玻璃窗會有微微嘅日光照入嚟，成個感覺好chill，而且店員都好nice，服務好好，如果想試吓印度菜，又想食得健康，一定唔可以錯過呢間餐廳~
張貼
