叫左個all day breakfast 同蘋果肉桂pancakes. All day breakfast 味道本身都仲ok, 但超爆勁多油！！！食完成個咀都係油！！
蘋果肉桂pancakes 一食就知唔係西式pancakes 煮法，係果d 阿媽用生鐵鑊整pancakes 嘅味道，不倫不類
D 蘋果仲要係酸的
最火滚都係跟餐個即磨咖啡。一坐低點餐已經叫左，結果等左成個鐘都唔黎。中間我地最少催左3,4 次，次次都話整緊，但又唔見佢真係整。最後我地話唔要喇，要埋單，佢先即刻隊個咖啡出黎。我同佢講你地咁樣要d 客等成個鐘真係唔得。個waitress 竟然sorry 都冇句，好串咁話"我地唔夠人呀！！" 大佬唔夠人係你嘅問題唔係我嘅問題，點解要我suffer 仲要咁惡？？！！！！
最後埋單個waiter 就9秒9拎張單出黎。我都未擺好d錢佢就9秒9想收 我心諗埋單你就咁快，我杯咖啡又咁耐？？？
貼錢買難受，認真冇下次！！！
