1
入面唔算坐得多人，大約15個左右，所以都係盡快食完就走。費事阻住其他人。
我就叫咗佢個鐵板系列二重牛舌，+28蚊升級套餐，店員話做緊優惠，俾$28等於比$38升級牛舌筋溫泉蛋丼！
個餐本身就係牛舌芯+牛舌尖=二重牛舌，而三重牛舌係指牛舌筋，因為個飯上面嗰啲已經係牛舌筋，所以我就咁嗌二重算
牛舌筋
非常之淋，冇牙都食得，用條脷頂一頂 ，都已經散晒！用嚟送飯一流
牛舌尖
同樣非常之淋，牛味濃啲，啲肉質一疏疏咁，都幾好食
牛舌芯
肉質非常爽口！咬落去索索聲！今日嘅冠軍！而且非常有牛味！配埋個醬汁，甜甜地，非常夾！加少少洋蔥食，簡直冇得彈！
