鮨瀛海 (已結業)

喺尖沙咀返工，見到依家喺K11出邊新開嘅外賣壽司店。裝修精美，感覺高檔。見到選擇頗多，而且價錢中上，走中高價同埋特色壽司手卷路線。黑松露牛油果魚生卷 $30牛油果黑松露份量多，而且牛油果新鮮，魚生粒亦都好大粒同非常新鮮。一個女仔做午餐嘅份量都啱啱好。邪惡手卷 $80特別鍾意呢款手卷，有齊晒海膽，同魚子醬配搭嘅手卷。拖羅肉質肥美，油脂分配平均，海膽清甜，配上魚子醬呢個配搭10分新鮮。入口即溶。最特別嘅地方係佢用咗威士忌加喺拖羅上面。海膽魚子蒽拖羅蓉手卷 $80呢款海膽味道濃郁，齒頰留香。而且魚子非常鮮甜爽口，呢個配搭有層次，口感豐富。拖羅蓉份量多，食到底都仲見到有。呢個價錢來講，真係10分抵呀。特別一提嘅係，佢嘅lunch menu 10分抵食! 最平$68 有主食加一款短物！配合頗多，會上嚟試。Conclusion: 以外賣嘅質素來講，真係算幾高質，性價比高。唯一唔好嘅係，見到由於壽司係即叫即做，等咗大約15 mins. 不過壽司食材10分新鮮同鮮甜，呢個價錢值得再去試吓唔同嘅手卷同壽司。