影片
更多
2022-10-13
18 瀏覽
是日去左尖沙咀開會，放工已經好夜，打算買外賣返屋企食算吧。聽朋友講位於係加拿分道有一間勁高質嘅日式外賣店叫「鮨瀛海」，之前一直都無機會試，今日咁好機會，仲唔趁機試下？店舖裝修設計好有日式風格，主力做外賣，不過亦有少量立食位，食材全部都係飛機直送，亦非常著重食物嘅質素，真係帶俾人一種喺日本餐廳食飯嘅感覺。食物方面，除左有壽司之外，仲有定食、刺身丼、小食、甜品、飲品同飲品。壽司除左可以散叫之外，亦可以揀拼盤，最令我意外嘅係竟然外賣都有廚師發辦套餐，價錢都係$148至$298。是日揀左價值$208 嘅廚師發辦12貫壽司，刺身都好大塊，完全遮住下面嘅壽司飯，飯亦握得夠實，唔會夾兩夾就散開，味道方面亦非常可口，醋、糖同鹽比例剛剛好。等我同大家介紹當中有咩食先 （由左至右，上至下）：深海池魚：肉質鮮嫩肥美，入口魚油甘香細膩，唔會有腥味。鷹羽太： 食落好嫩，有輕輕嘅魚香味。平政： 魚肉呈淡粉紅色，肉質鮮嫩。真鯛： 食起黎好爽口，肉質結實，彈性十足，一咬落去就感受到陣陣油脂味，味道甘甜。鰆魚： 有豐富嘅油脂，入口甜而不膩左口魚邊： 左口魚邊經過火炙後，有輕輕嘅炭燒香味，入口即溶，味道可口。魴鮄魚： 魴
店舖裝修設計好有日式風格，主力做外賣，不過亦有少量立食位，食材全部都係飛機直送，亦非常著重食物嘅質素，真係帶俾人一種喺日本餐廳食飯嘅感覺。
食物方面，除左有壽司之外，仲有定食、刺身丼、小食、甜品、飲品同飲品。壽司除左可以散叫之外，亦可以揀拼盤，最令我意外嘅係竟然外賣都有廚師發辦套餐，價錢都係$148至$298。是日揀左價值$208 嘅廚師發辦12貫壽司，刺身都好大塊，完全遮住下面嘅壽司飯，飯亦握得夠實，唔會夾兩夾就散開，味道方面亦非常可口，醋、糖同鹽比例剛剛好。
等我同大家介紹當中有咩食先 （由左至右，上至下）：
深海池魚：肉質鮮嫩肥美，入口魚油甘香細膩，唔會有腥味。
鷹羽太： 食落好嫩，有輕輕嘅魚香味。
平政： 魚肉呈淡粉紅色，肉質鮮嫩。
真鯛： 食起黎好爽口，肉質結實，彈性十足，一咬落去就感受到陣陣油脂味，味道甘甜。
鰆魚： 有豐富嘅油脂，入口甜而不膩
左口魚邊： 左口魚邊經過火炙後，有輕輕嘅炭燒香味，入口即溶，味道可口。
魴鮄魚： 魴鮄近年喺香港比較優質嘅壽司店都會見到，入口鮮甜, 味道較清，肉質結實，食落非常爽口。
油甘魚： 肉質滑嫩，油脂味濃郁，入口即溶。
剝皮魚： 質地有少少似砂紙，脂肪含量相對地少，口感嫩中帶點爽，魚味較淡。
劍魚腩： 魚肉呈白色，入口爽身，味道鮮甜。
松葉蟹肉： 口感鬆軟，味道鮮甜。
醋鯖魚： 醃漬過嘅鯖魚無咩魚腥味，食落酸酸地，魚味濃郁，帶香濃嘅薑味。
近鏡睇真係好靚。
雖然秋風起，但買壽司返屋企都要小心，店員好細心問我回家路程遠唔遠，仲主動俾埋冰袋同冰粒添，返屋企仲發現有兩小樽自家調味嘅豉油同精美嘅筷子，真係開心呀。
呢間鮨瀛海嘅出品整體感覺都好好，用料新鮮，服務亦好好，所以絕對值呢個價錢，下次要試埋佢地其他出品。
張貼
