壽司豐 (已結業)

一返返學就好崩潰，決定要化悲憤為食量。今日嚟到『豐』食日本野，距離做日本（肥）妹嘅目標又近咗一小步。我成世人都未食過Omakase，今日一於食下。豐·板長Omakase $780Chef’s recommended omakase前菜：有一份慢煮鴨胸，入面包住啲洋蔥同蘿蔔，口感豐富。另外仲有茶碗蒸，啲蛋勁滑仲有啲魚。刺身：白子、帶子、海膽同埋拖羅。帶子好鮮甜；白子好新鮮，佢地有個酸汁用嚟點啲白子，好味！。師傅話啲魚每日都新鮮運嚟㗎！壽司：立魚、五目魚、深海池魚（爽）、中拖羅加京蔥，最後仲有海膽，樣樣都好新鮮。師傅話佢地係香港第一間做熟成拖羅，熟成係處理過幾日嘅肉。肉質更結實，鹹＋鮮味同啲飯好夾，層次味道更豐富。作為配菜嘅蘿蔔海葡萄都好出色，元祖柚子蘿蔔係佢地首創㗎！熟食：原來omakase都有熟食，呢個燒油金魚包好香。我見到佢地係做『白神山水』煮嘢食，好奇問師傅呢啲水有呢特別。（佢應該好奇我地點解問埋啲無聊嘢。）呢啲水鹼性多啲，啲飯會滑啲。湯係味噌湯，唔食太鹹幾好飲。另外，師傅話可以揀咖啡或者雪糕，所以我揀咗雪糕，最後係咖啡味雪糕！又甜又滑，但好凍呀！啲脷好敏感，啲牙唔敏感。朋友叫咗個